2017, ജനുവരി 29, ഞായറാഴ്‌ച

മറ്റൊരു കുറുംകവിത കൂടി സച്ചിദാനന്ദന്റേതായി ;തീരെ മോശപ്പെട്ട ഒന്ന് .'ക്യു '.സമാന സാഹചര്യത്തിൽ നാലര പതിറ്റാണ്ടു മുമ്പ് ചിത്രകാർത്തികയിൽ പ്രത്യക്ഷപ്പെട്ട ,സമാഹാരങ്ങളിൽ ഒന്നും ഉൾപ്പെടുത്തിക്കാനാത്ത 'സർക്കസ്സ് 'ഞാനോർക്കുന്നു .എന്റെയും എന്റെ തലമുറയുടെയും ആസ്വാദന ശീലത്തെ അടിമുടി മാറ്റിയ കവിത .പിന്നീടങ്ങോട്ട് എത്ര കവിതകൾ .മലയാളത്തിലെ എക്കാലത്തെയും മികച്ച ചില കവിതകൾ സച്ചിദാനന്ദൻ എഴുതി .'ഒടുവിൽ ഞാനൊറ്റയാകുന്നു ' ഇവനെക്കൂടി '' കയറ്റം ' നൊബേലിന് സച്ചിദാനന്ദൻ പരിഗണിക്കപ്പെട്ടിരുന്നു എന്ന് കേട്ടപ്പോൾ അദ്‌ഭുതം തോന്നിയില്ല അഭിമാനം തോന്നുകയും ചെയ്തു .
പക്ഷെ പിന്നീടങ്ങോട്ട് ഇറക്കമായിരുന്നു .'ഭാഗവതം 'എന്ന പേരിൽ വളരെ മോശപ്പെട്ടഒരു കവിത അദ്ദേഹം പ്രസിദ്ധപ്പെടുത്തി മനം പുരട്ടലുണ്ടാക്കുന്ന അത്തരമൊന്നെഴുതാനിടയാക്കിയ ചേതോ വികാരം മനസ്സിലാവുന്നതേയില്ല .ഇപ്പോഴിതാ നാലര പതിറ്റാണ്ടു മുമ്പ് ശ്യാ൦ ബെനിഗൽ അംകുർ എന്ന സിനിമയിൽ ഉപയോഗിച്ചതും പിന്നീട് കാക്ക തൊള്ളായിരം സിനിമകളിൽ പ്രത്യക്ഷപ്പെട്ടതുമായ ഒരു ബിംബം പകർത്തിയെഴുതി സച്ചിദാന്ദൻ നോട്ടസാധുവാക്കലിനെതിരെ യുദ്ധം പ്രഖ്യാപിച്ചിരിക്കുന്നു .ഒരു വി കെ എൻ ഡയലോഗാണോർമ്മ വരുന്നത് "അഹോ " എന്നേ ഞാൻ പറയുന്നുള്ളു '

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ