28-2-2019
ഒരു സമ്മാനത്തിന്റെ കഥ
രണ്ടായിരത്തിലോ മറ്റോ ആണ് താമരശേരി റോഡ് റെസിഡൻസ് അസോസിയേഷന്റെ വാർഷികത്തിന് ആ അയൽപക്കത്തുള്ള കുട്ടികൾ ഒരു കലാപരിപാടി അവതരിപ്പിച്ചു .മിമിക്രി ,ഹാസ്യ കഥാപ്രസംഗം തുടങ്ങിയ ചെറുപ്പക്കാരുടെ ഇഷ്ട ഇനങ്ങൾ .കൂട്ടത്തിൽ ഒരു യുവാവ് അസാമാന്യമാംവിധം നല്ല പ്രകടനമാണ് കാഴ്‌ച വെച്ചത് .അയാൾക്ക് ഒരു സമ്മാനം കൊടുക്കണമെന്ന് ഭാരവാഹികളിൽ മിക്കവരും .അഭിപ്രായപ്പെട്ടു .അസോസിയേഷൻ സെക്രട്ടറി അബു ഒരു നൂറു രൂപാ നോട്ട് കവറിലിട്ട് പ്രസിഡണ്ടായിരുന്ന എന്നെ ഏൽപ്പിച്ചു.;സമ്മാനദാനം നടത്താൻ ഒരു വി ഐ പി യെ കണ്ടെത്താൻ എളുപ്പമല്ല സാറു കൊടുത്താൽ മതി എന്നു പറഞ്ഞു കൊണ്ട് .അങ്ങിനെ ആ യുവാവിന് ആദ്യത്തെ സമ്മാനം കൊടുക്കാനുള്ള ഭാഗ്യം എനിക്കാണ് ലഭിച്ചത് .
ആ ചെറുപ്പക്കാരന്റെ പേര് ജയൻ .പിന്നീട് സൂര്യ ടി വിയിൽ ജഗതി v s ജഗതി അവതരിപ്പിക്കാൻ തുടങ്ങിയപ്പോൾ ജയൻ ജയസൂര്യയായി .തുടർന്ന് സിനിമയിലെത്തിയപ്പോഴും ആ പേര് തന്നെ തുടർന്നു .
ആദ്യകാലങ്ങളിൽ ഓരോ സിനിമ വരുമ്പോഴും ഞാൻ വിളിച്ച് ജയന്റെ പെര്ഫോമന്സിനെക്കുറിച്ച് അഭിപ്രായം പറയുമായിരുന്നു ;അദ്ദേഹം അത് ശ്രദ്ധാപൂർവം കേൾക്കുകയും ചെയ്യുമായിരുന്നു .ജയന് തിരക്കു വർദ്ധിച്ചു വന്നു എനിക്ക് ജീവിത പ്രാരബ്ധങ്ങളും .ഫോൺ വിളികളുടെ ഇടവേള ദീർഘിച്ചു .വിളി തീരെ ഇല്ലാതായി . ഇന്നലെ ടി വിയിൽ അവാർഡ് പ്രഖ്യാപനം കണ്ടപ്പോൾ എനിക്ക് ജയനെ വിളിക്കാതിരിക്കാൻ കഴിഞ്ഞില്ല .നാലഞ്ചു തവണ ശ്രമിച്ചതിനു ശേഷമാണ് കിട്ടിയത് .ജീവിതത്തിൽ ഏറ്റവും സന്തോഷം തോന്നിയ ഒരു ദിവസം വിളിക്കാതിരിക്കാൻ കഴിഞ്ഞില്ല എന്നു ഞാൻ പറഞ്ഞപ്പോൾ ഓർത്തിരുന്നു വിളിച്ചതിന് എനിക്ക്നന്ദി പറഞ്ഞു ജയൻ .അതാണ് യഥാർത്ഥ വലിപ്പം .
കൂടുതൽ വലിയ സമ്മാനങ്ങൾ ജയനെ, പ്രഗദ്ഭ അഭിനേതാവായ
ജയസൂര്യയെ കാത്തിരിക്കുന്നു .ഈശ്വരൻ അനുഗ്രഹിക്കട്ടെ .
ഒരു വാക്കു കൂടി .ഗ്രാമത്തിലെ നിഷ്കളങ്കനായ ഫുട്ബാൾ മാനേജരെ ഹൃദയാവർജ്ജകമായി അവതരിപ്പിച്ച സുബിൻ ,കിട്ടുന്ന വേഷങ്ങൾ ചെറുതായാലും വലുതായാലും അസാമാന്യ തന്മയത്വത്തോടെ അവതരിപ്പിക്കുന്ന ജോജു ,നാളെ ഒരു ശാരദയോ ശോഭനയോ ആയിത്തീരേണ്ട നിമിഷ ,ആ ഉമ്മമാരെ അവതരിപ്പിച്ച സഹോദരിമാർ .എല്ലാവര്ക്കും എന്റെ അഭിനന്ദനങ്ങൾ .എല്ലാവരെയും ദൈവം അനുഗ്രഹിക്കട്ടെ
ഒരു സമ്മാനത്തിന്റെ കഥ
രണ്ടായിരത്തിലോ മറ്റോ ആണ് താമരശേരി റോഡ് റെസിഡൻസ് അസോസിയേഷന്റെ വാർഷികത്തിന് ആ അയൽപക്കത്തുള്ള കുട്ടികൾ ഒരു കലാപരിപാടി അവതരിപ്പിച്ചു .മിമിക്രി ,ഹാസ്യ കഥാപ്രസംഗം തുടങ്ങിയ ചെറുപ്പക്കാരുടെ ഇഷ്ട ഇനങ്ങൾ .കൂട്ടത്തിൽ ഒരു യുവാവ് അസാമാന്യമാംവിധം നല്ല പ്രകടനമാണ് കാഴ്‌ച വെച്ചത് .അയാൾക്ക് ഒരു സമ്മാനം കൊടുക്കണമെന്ന് ഭാരവാഹികളിൽ മിക്കവരും .അഭിപ്രായപ്പെട്ടു .അസോസിയേഷൻ സെക്രട്ടറി അബു ഒരു നൂറു രൂപാ നോട്ട് കവറിലിട്ട് പ്രസിഡണ്ടായിരുന്ന എന്നെ ഏൽപ്പിച്ചു.;സമ്മാനദാനം നടത്താൻ ഒരു വി ഐ പി യെ കണ്ടെത്താൻ എളുപ്പമല്ല സാറു കൊടുത്താൽ മതി എന്നു പറഞ്ഞു കൊണ്ട് .അങ്ങിനെ ആ യുവാവിന് ആദ്യത്തെ സമ്മാനം കൊടുക്കാനുള്ള ഭാഗ്യം എനിക്കാണ് ലഭിച്ചത് .
ആ ചെറുപ്പക്കാരന്റെ പേര് ജയൻ .പിന്നീട് സൂര്യ ടി വിയിൽ ജഗതി v s ജഗതി അവതരിപ്പിക്കാൻ തുടങ്ങിയപ്പോൾ ജയൻ ജയസൂര്യയായി .തുടർന്ന് സിനിമയിലെത്തിയപ്പോഴും ആ പേര് തന്നെ തുടർന്നു .
ആദ്യകാലങ്ങളിൽ ഓരോ സിനിമ വരുമ്പോഴും ഞാൻ വിളിച്ച് ജയന്റെ പെര്ഫോമന്സിനെക്കുറിച്ച് അഭിപ്രായം പറയുമായിരുന്നു ;അദ്ദേഹം അത് ശ്രദ്ധാപൂർവം കേൾക്കുകയും ചെയ്യുമായിരുന്നു .ജയന് തിരക്കു വർദ്ധിച്ചു വന്നു എനിക്ക് ജീവിത പ്രാരബ്ധങ്ങളും .ഫോൺ വിളികളുടെ ഇടവേള ദീർഘിച്ചു .വിളി തീരെ ഇല്ലാതായി . ഇന്നലെ ടി വിയിൽ അവാർഡ് പ്രഖ്യാപനം കണ്ടപ്പോൾ എനിക്ക് ജയനെ വിളിക്കാതിരിക്കാൻ കഴിഞ്ഞില്ല .നാലഞ്ചു തവണ ശ്രമിച്ചതിനു ശേഷമാണ് കിട്ടിയത് .ജീവിതത്തിൽ ഏറ്റവും സന്തോഷം തോന്നിയ ഒരു ദിവസം വിളിക്കാതിരിക്കാൻ കഴിഞ്ഞില്ല എന്നു ഞാൻ പറഞ്ഞപ്പോൾ ഓർത്തിരുന്നു വിളിച്ചതിന് എനിക്ക്നന്ദി പറഞ്ഞു ജയൻ .അതാണ് യഥാർത്ഥ വലിപ്പം .
കൂടുതൽ വലിയ സമ്മാനങ്ങൾ ജയനെ, പ്രഗദ്ഭ അഭിനേതാവായ
ഒരു വാക്കു കൂടി .ഗ്രാമത്തിലെ നിഷ്കളങ്കനായ ഫുട്ബാൾ മാനേജരെ ഹൃദയാവർജ്ജകമായി അവതരിപ്പിച്ച സുബിൻ ,കിട്ടുന്ന വേഷങ്ങൾ ചെറുതായാലും വലുതായാലും അസാമാന്യ തന്മയത്വത്തോടെ അവതരിപ്പിക്കുന്ന ജോജു ,നാളെ ഒരു ശാരദയോ ശോഭനയോ ആയിത്തീരേണ്ട നിമിഷ ,ആ ഉമ്മമാരെ അവതരിപ്പിച്ച സഹോദരിമാർ .എല്ലാവര്ക്കും എന്റെ അഭിനന്ദനങ്ങൾ .എല്ലാവരെയും ദൈവം അനുഗ്രഹിക്കട്ടെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ