2015, ജനുവരി 18, ഞായറാഴ്‌ച

പന്തളം കോളേജിൽ എന്റെ അദ്ധ്യാപികയായിരുന്നു രാജലക്ഷ്മി  .അവരുടെ നോവൽ 'ഒരു വഴിയും കുറെ നിഴലുകളും 'തൊട്ടു മുമ്പിലത്തെ കൊല്ലം പ്രസിദ്ധീകരിച്ച  'നാലുകെട്ടി' നോടൊപ്പമോ അതിലധികമോ ശ്രദ്ധിക്ക പ്പെട്ടിരുന്നു .നാലുകെട്ടിന്റെ 50 ആം വാര്ഷികം കൊണ്ടാടിയവർ പക്ഷേ 'നിഴലുകളെ' മറന്നു .ആ പുസ്തകത്തെ ക്കുറിച്ച് അതിന്റെ ജ്യൂബിലി വർഷത്തിൽ ഒരേ ഒരു ലേഖനമേ പ്രസിദ്ധീകരിക്കപ്പെട്ടുള്ളു .സമകാലിക മലയാളം പ്രസിദ്ധീകരിച്ച 'നിരാലംബയായ നിഴൽ'..അഭിമാനത്തോടെ തന്നെ പറയട്ടെ  ഞാനായിരുന്നു അതെഴുതിയത് .
അവരുടെ രണ്ടാമത്തെ നോവൽ 'ഉച്ച വെയിലും ഇളം നിലാവും 'അതിന്റെ അപൂർണ്ണ രൂപത്തിൽ ഈയിടെ പ്രസിദ്ധീകരിക്കപ്പെട്ടു .മാതൃ ഭൂമി വാരികയിൽ തുടര്ച്ചയായി വന്നു കൊണ്ടിരിക്കെ രാജ ലെക്ഷ്മി അതിന്റെ കയ്യെഴുത്ത് പ്രതി  തിരികെ വാങ്ങി  കത്തിച്ചു കളഞ്ഞു..പൂർണ്ണ രൂ പത്തിൽ ലഭ്യമായിരുന്നുവെങ്കിൽ മലയാളത്തിലെ  മികച്ച നോവലുകളിൽ ഒന്നാകുമായിരുന്നു  അതെന്നു  അപൂർണ്ണ രൂപം വായിച്ചപ്പോൾ തോന്നി പ്പോയി . നോവലുകൾ മാത്രമല്ല മലയാളത്തിലെ എണ്ണം പറഞ്ഞ ചെറുകഥകളിൽ ചിലതും  രാജലെക്ഷ്മിയുടേതായിട്ടുണ്ട് .
    മാറി എന്നവർ വിശ്വസിച്ചിരുന്ന മാരക രോഗം വീണ്ടും ആക്രമിക്കുന്നു എന്ന ആശങ്ക ആണോ എഴുത്തുകാരി എന്ന നിലയിൽ നേരീടേണ്ടി വന്ന അപവാദങ്ങളാണൊ അവരെ സ്വയം ഇല്ലാതാക്കാൻ പ്രേരിപ്പിച്ചത് എന്നറിഞ്ഞു കൂടാ .ഒരു പക്ഷേ ഇവ രണ്ടും കാരണങ്ങളാവാം .എന്തായാലും 50 വർഷം മുന്പ് ഒരു ജനുവരി 18 നു അവർ പോയി .
       പഴയ അദ്ധ്യാപികയ്ക്ക് ,ഇഷ്ട നോവലിസ്റ്റ്നു ആദരാഞ്ജലികൾ
   

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ